大家唔好覺得好食嘅西餐一定要喺尖沙咀或者中環！今次我係元朗搵到一間CP值好高嘅西餐廳兼酒吧，半開放式嘅設計，有露天嘅部份同埋室內，鍾意吹風或者嘆冷氣都得。
首先叫咗個小食：香煎”Rougie”法國鵝肝，足足有三層啊！除咗鵝肝同埋多士嘅部份，仲有一層好特別係焦糖菠蘿，連埋鵝肝一齊食，就唔會太油膩，一啖就有幾個層次。
澳洲M5和牛內腹牛扒🥩係今晚嘅main course，第一次見到牛扒係超級薄切，肉質鮮嫩指數爆燈！食落口有一種好似刺身魚嘅感覺，醬汁方面仲有四種比大家選擇。
暴龍🦖Pizza🍕聽個名就覺得好得意，其實餡料係香辣牛肉、美國辣肉腸、Salami、Mozzarella同埋蘑菇。芝士嘅拉絲好勁，加上各種口感一流嘅配料，味道真係豐富。而且薄底嘅Pizza食多兩舊都唔會濟。
難得嚟到酒吧冇理由唔飲返兩杯，呢度都有好多唔同嘅cocktail🍸，唔飲酒嘅朋友可以點Mocktail🍹。我就點咗White Sangria 同Red Sangria，用Wine🍷調製嘅雞尾酒真係比較少見，我好鍾意入面加入橙皮粒，有另一種嘅感覺。
整體來講呢間餐廳好值得推薦，而且職員都好有禮貌，最重要性價比超值，人均消費都係$200-300。
凡直友里 (元朗)
元朗又新街53-59號滿利大廈地下
M1 GROUP
凡直友里
Search